Leesstof en Artikels

Awareness on Snakes, Scorpions & Spiders

Tue, 15 May 2012 12:30:00 GMT

SJB / Prince Albert Veldskiet

Thu, 10 May 2012 13:08:00 GMT

Suid-Kaap Jagters- en Bewaringsvereniging, in samewerking met Bay Guns en Prince Albert Landbouvereniging, het weer eens ‘n geslaagde skietdag op 28 April 2012 aangebied op die plaas Rietfontein van Joseph Steyn, in die distrik van Prince Albert. Ten spyte van die feit dat daar twee groot gebeurtenisse in daardie omgewing plaasgevind het ,nl. “Die Olyffees” en Merweville se kerkbasaar, was die opkoms steeds goed. Die kompetisie het in ideale weersomstandighede plaasgevind en die wind kon nie blameer word as die gaatjie nie gesit het waar die skut hom graag sou wou hê nie.
Die dag was deur Johan van Wyk, eienaar van Bay Guns in Mosselbaai geborg. Al die pryse was in die vorm van koopbewyse. Deelnemers het in drie kategorië deelgeneem nl. Jaggeweer, Juniors en Veterane.

Die wenners in die verskillende afdelings is as volg:

Jaggeweer: 1. Jaco Brink; 2. Danie Barnard en 3. Adriaan Botes
Juniors: 1. De Waal Nigrini; 2. Paul Doubell en 3. Rudi Lerm
Veterane: 1. Piet van Wyk; 2. Arthur Lillford en 3. Naudè Viljoen

SJB wil van die geleentheid gebruik maak om vir “Bay Guns” te bedank vir die bydrae wat hulle maak om die skietsport in hierdie deel van die land te bevorder. Dit word opreg waardeer en hulle kan verseker wees dat SJB hul lede aanmoedig om hulle te ondersteun. Die besigheid is gesetel op Mosselbaai en beskik oor alles wat die jagter en vuurwapenentoesias nodig het, asook ‘n wye verskeidenheid buitelwe toerusting. Namens die bestuur en almal wat teenwoordig was, bedank ons graag vir Joseph en Ilze Steyn vir hulle gasvryheid en dat hulle altyd bereid is om hul plaas beskikbaar te stel vir die geleentheid, asook die dames wat deur die dag gesorg het dat daar altyd verversings beskikbaar was en vir die heerlike ete na die tyd. Die SJB / Prince Albert veldskiet gaan ‘n jaarlikse gebeurtenis word en beslis die moeite werd vir ‘n merkie op die 2013 almanak.

Suid - Kaap Jagters Junior .22 Skietdag

Thu, 10 May 2012 07:57:00 GMT

‘n Baie stimulerende pa en seun/dogter skietdag is onder voogskap van Suid - Kaap Jagters en Bewaringsvereniging buite Oudshoorn aangebied. Baie goeie tellings is behaal, en die bordjies is in sommige gevalle behoorlik verhang na die onverwagte kant toe. Sommige pa’s het erken dat toe daar nog met oop visiere geskiet is, niemand hulle kon klop nie. Maar, tye verander en daarme saam die irreterende bewerasie. Met baie goeie reëlings deur Joe Vervey, streeksbestuurder Klein Karoo in die Vereniging, is ‘n uitsoek skietbaan in die wildkamp van Bertus Lategan uitgelê.

Die bywoning deur 19 laerskoolleerders en 11 pa’s toon duidelik dat daar ‘n behoefte geïdentifiseer is, en dat hierdie aktiwiteit ‘n spesiale plek op die SJB-kalender gaan inneem. Die verrigtinge is afgeskop met inligting rakende wapenveiligheid, etiese jag en effektiewe skootplasing. Baie ,22 rondtes is na teikens 50 meter en verder, afgevuur. Na spanningsvolle oomblikke het Louis Lategan, Gerdi Steenekamp, Louis Jordaan, Rudi Lerm, Paul Duobell, en Joshey voltalle geskiet. Met die finale skiet het Paul Doubell, met Rudi Lerm kort op sy hakke en Louis Jordaan die eerste drie plekke ingeneem. Groot dank aan Klein Karoo Koöperatief vir die borg van ammunisie, Spiral Horn Taxidermy vir ‘n geskenkbewys vir ‘n montering, asook vir Bertus Lategan en sy wederhelfte, vir hulle bereidwilligheid om betrokke te wees by ‘n groot saak wat vir baie jongmense met die regte begeleiding na aan die hart lê.

Suid- Kaap Jagters- en Bewaringsvereniging - Junior veldopleiding

Mon, 02 Apr 2012 07:30:00 GMT

Ten spyte van voorspellings oor dreigende onweer, het 22 laerskoolleerders op 23 Maart van oral oor opgeruk vir die jaarlikse veldskool van die Suid- Kaap Jagters- en Bewaringsvereniging. Dit het plaasgevind op Neels Meyer se plaas, Kouma, ongeveer 40km vanaf Mosselbaai. Dit is weer eens baie suksesvol aangebied. Die doelstellings wat nagestreef word is om jongmense wat in die buitelewe belangstel, aan verskillende aktiwiteite soos die jagsport, kampering, rugsakstap, voëlkyk, hengel, boogskiet, natuurfotografie, skyfskiet ens., bekend te stel en toe te rus om makliker in die toekoms keuses te kan maak rondom gesonde buitelug ontspanning.

Daar word voortdurend geskaaf en vernuwe om tred te hou met veranderende omstandighede en behoeftes, wat bydra dat elke opleidingsessie nuwe uitdagings vir beide die studente asook die personeel inhou.

Aktiwiteite wat prakties aangebied en ingeoefen word, behels die regte keuse van ‘n skuilplek, korrekte opslaan van ‘n tent, elemetêre toeligting vir die verkryging van water vir oorlewing, knope en vaswoele, nodige hand- en noodseine, korrekte nagbeweging, hulpmiddels vir oorlewing, inheemse flora en fauna, gevare gedurende beweging in die veld, elementêre eerstehulp en afvoer, veilige maak van vure, oordeelkundige pak van ‘n rugsak en die effektiewe waarneming met die doel om te bewonder en te bewaar en om tydens noodsituasies in die veld te kan oorleef. Spesialis- lede van die vereniging, naamlik Louis Jordaan van Minwater, het die studente trakteer met sy ongelooflike flora-kennis asook gevare in die veld, terwyl Noël Honeborne ‘n aanbieding oor voëls gedoen het wat elke student met ander oë en geïnspireerd huis toe laat gaan het.

Evaluasie van die studente se belangstelling, verantwoordelike optrede, leiereienskappe, kommunikasievaardighede en die inskakeling by groepwerk, vind deurlopend plaas. Aktiwiteite soos die plant van ‘n eie inheemse waterbessieboom in ’n blikkie, die maak van ‘n eie kettie, skiet met ‘n pyl en boog, skiet met blaaspype soos wafferse pigmeë, bak van ‘n blikkiebrood in ‘n kleioond, toutrek in spanverband en voortdurend op die puntebord te gaan kyk watter span die voorlopers is, ‘n keerwal in die rivier te bou om die swemgat dieper te kry, met ‘n .22 in die wind te skiet, met stelte te kon loop, skeie te gooi, arm te druk vinger te trek en vele meer, is dinge wat ‘n selfoon, rugby op televisie en ‘n restaurant ver in die agtergrond plaas. Alles te danke aan toegewyde lede van hierdie vereniging wat bereid is om tyd in te ruim om jongmense te begelei op ‘n ander vlak van grootword.

Aangesien hierdie unieke geleentheid tot dusver beskore was vir slegs ‘n beperkte aantal kinders, is die kursus nou beskikbaar gestel vir gebruik deur laerskole nasionaal. Skoolhoofde word aangemoedig om hierdie uiters belangrike deel van opvoeding te ondersteun en gebruik te maak van hierdie geleentheid. Die kursusmateriaal is teen baie billike koste beskikbaar by die SJB kantoor in Lofty Nelstraat 5, Voorbaai, Mosselbaai.

Kontak gerus:

Melinda Bosch - 044 695 2319

Neels Meyer - 082 824 8603

Margot Swiss Borg Suid-Kaap Jagters

Thu, 29 Mar 2012 06:59:00 GMT

Die jaarlikse Margot Swiss skietdag op die plaas ``Aangenaam`` van Henry en Martie van der Westhuizen, naby De Rust, het die afgelope naweek plaasgevind. Groot pryse in die vorm van geskenkbewyse, geborg deur Margot Swiss, is uitgeloof vir die wenners van die skietkompetisie. Die opkoms was goed en die skuts moes voortdurend rekening hou met ‘n geniepsige windjie wat met tye stormsterkte bereik het. Nadat die laaste skote geklap het en die pryse oorhandig is, het daar ‘n welkome reënbui uitgesak. Ten spyte van die wind is steeds goeie tellings behaal. Daar was ook ‘n gelukkige trekking, ook geborg deur Margot Swiss, en sodoende kon ‘n buiteperd ook huis toe gaan met ‘n prys.

Die wenners is as volg:
Seniors: 1. Jaco Brink; 2. Valie Enslin en 3de Hugo Moolman
Dames: M. Fourie
Juniors: 1. Paul Doubell; 2. Ruaan Moolman en 3de Daniël van Zyl.

Die wenner van die gelukkige trekking was Arthur Lillford.

SJB bedank Margot Swiss vir die pryse wat hulle geborg het en verseker hulle dat dit opreg waardeer word. Hulle kan verseker wees van SJB-lede en gaste op skietdae se volgehoue ondersteuning. Dankie ook aan Henry en Martie wat altyd bereid is om hul plaas beskikbaar te stel vir skietdae en altyd sorg dat daar iets te ete en te drinke is. Dit is altyd aangenaam op ``Aangenaam``

CHASA Inter Association Shoot – Bloemfontein 2012.

Mon, 19 Mar 2012 09:15:00 GMT

f.l.t.r. André Barnard, Jan van Wyk, Gert Lerm (spanbestuurder) Johann Kemp, Sieg Minnie

The popularity of the Chasa Inter Association Shoot is growing with 45 teams entering this years competition which was again held in Bloemfontein. The shoot was arranged by the Free State Hunting Association and was well organized and very punctual throughout the competition.

A very difficult range was setup which provided for tricky shooting positions which were further complicated by a strong wind which added to the difficulty factor, this was borne out by the fact that the winning team from Kaapjag scored 2 405 out of a possible 3 600 points to win the event. The real test for the hunters was the Impala range which had targets placed at distances ranging from 330 to 350 meters, complicated by the strong cross wind.

The Southern Cape Hunters and Conservation Association entered three teams in the different divisions. In the Mens Division the team consisting of Vallie Enslin, Johan du Plooy, Jaco Brink and Martel Jacobs ended up in 9th position. The B team made up of Callie Breytenbach, Chris van Wyk, Sieg Minnie Snr. and Arthur Lilford finished in 23rd position. The Junior team once again proved to be the best even though they had two newcomers in the team, Johan Kemp, Andre Barnard, Jan van Wyk and Sieg Minnie Jnr. won the first prize in the Junior Division and brought the trophy home for the forth year in a row. They also received an additional prize of a spotting scope and tripod for their effort. Five teams from other associations entered the Junior Division. Congratulations on a job well done.

One of the main sponsors, Freddy Hirsch, provided all the participants with a braai on the Friday evening which was enjoyed by all. Thanks must also go to the parents of the SJB Junior Team for their support during the build up to the competition as well as during the weekend in Bloemfontein, without your support the participation of the juniors would not have been possible.

SJB / Safari Ghib-Bore veldskiet lok baie skuts

Mon, 19 Mar 2012 13:50:00 GMT

Die eerste Safari en Outdoor geborgde skietdag vir jaggeweer veldskiet, is op Saterdag 3 Maart baie suksesvol deur SJB aangebied. Dit het plaasgevind op die plaas Sandkraal, eiendom van Chris Coetzer, naby Buffeljagsrivier. Skuts van Kaapjag, SA Jagters Suid-Kaap Jagters- en Bewaringsvereniging, dames en junior skuts het ‘n genotvolle dag in die veld deurgebring. Ten spyte van winderige toestande is baie goeie tellings behaal en die wenners in die verskillende afdelings is beloon met uitsonderlike pryse ter waarde van R1 1000,00.00 geborg deur Safari & Outdoor. Volgens Mnr Willem Immelman, bestuurder van die Safari & Outdoor-tak naby Stellenbosch, gaan dit ‘n jaarlikse instelling word. Met die goeie opkoms van skuts is dit duidelik dat daar ‘n behoefte bestaan vir dié tipe skiet en dat dit baie sterk gaan inskakel by die ander prestige aktiwiteite deur hierdie vereniging aangebied. Verskillende teikens op afstande sover as 350 meter is na geskiet en die uitslae het bewys dat hoe meer jy oefen en jou geweer se prestasievermoë ken, hoe groter die sukses.

Ons hartlike dank aan die SJB opleidingspan onder leiding van Wynand Fourie, wat in ‘n betreklik kort die dag moes reël, Chris Coetzer wat sy plaas beskikbaar gestel het en Safari & Outdoor vir groot-groot pryse. Spesiale dank aan die baanoffisiere en dames wat in die warm son diens gedoen het om alles veilig te laat verloop. Safari & Outdoor is geleë naby Stellenbosch en spesialiseer in ‘n wye reeks vuurwapens, ammunisie, teleskope, verkykers asook ‘n wye reeks buitelug toebehore. Dit is ‘n instansie wat terugploeg in die jag- en skietsport en ons wil ons lede aanmoedig om hulle te ondersteun.

DAMES
	Lidnr	Van en Voorletters	Klas	Totale telling
1ste	Nie-Lid	Coetzer M	Dames	465
2de	1433	Nel MJ	Dames	200
JUNIORS
1ste	1508	Kemp JH	Junior	500
2de	Nie-Lid	Hugo JP	Junior	245
3de	Nie-Lid	Cloete JS	Junior	175
MANS
1ste	24-2743 Kaapjag	Prins CA	Mans	840
2de	324/29.0316	Steenkamp W	Mans	825
3de	22 SA Jagters	Obermeyer JW	Mans	810
4de	1613	Coetzee F	Mans	760
5de	334	Jacobs M	Mans	750
SENIORS
1ste	26-3626 Kaapjag	Viljoen A	Seniors	710
2de	29-0151 Kaapjag	Smuts TA	Seniors	585
3de	1202	Marais WJ	Seniors	495
LUCKY DRAW WENNERS:
1ste		Van der Linde J
2de		Smuts TA

Uil - en inheemse boomnaweek lok baie.

Mon, 19 Mar 2012 13:57:00 GMT

Die Suid-Kaap Jagters- en Bewaringsvereniging se jongste projek, nl., die bewusmaking van- en die nut van uile in ons streek, is afgeskop. Die eerste fase van die projek het groot belangstelling ontlok en het plaasgevind vanaf 9 – 11 Maart. Toegewyde natuurliefhebbers het vanaf die Vrydag saamgetrek en kamp opgeslaan tussen inheemse bome op die plaas, Kouma, aan die voet van die Langeberge. Saterdagoggend het nog belangstellendes opgedaag en nadergeskuif vir ‘n baie interessante aanbieding deur Len Nel, bestuurder natuurbewaring, van die Vereniging.

Die belangrikste kenmerke van uile is aangespreek, asook hoe die uil aangepas en toegerus is om die nag roofvoël nis te oorheers. Aanpassing van die oë, veerbedekking, gehoor, spysvertering en hoe die uil dit gebruik om sy prooi te vang, is enkele aspekte wat uitgelig is. Die voordele van ‘n gesonde uilbevolking, asook die nadelige uitwerking van menslike wanpraktyke op uile, is aangespreek. Die belangstellendes wat dapper genoeg was, het die geleentheid benut om 'n uil-braakselpakkie oop te breek en te ontleed om vas te stel waaruit die uil se dieët bestaan. Uilvere is bestudeer sodat elke besoeker kon sien hoe die vere aangepas is om 'n doodstil vlug te verseker. Die plasing van 'n uilkas en ontwerp daarvan is ook bespreek en gedemonstreer. Aan die einde van die voorlegging is vrae gevra en ondervindinge uitgeruil. ‘n Inligtingspakkie is aan elke gesin geskenk vir verdere navorsing.

Na afloop van die uilsessie is daar lekker onder die koeltebome gekuier en gebraai. Later die middag het die bekende Jeffrey Sass, kenner van inheemse bome, by ons aangesluit en sy teorie waarom die aangeplante inheemse bome op die terrein bo-gemiddeld vinnig groei, met ons gedeel. Volgens Mnr. Sass is dit as gevolg van ‘n neerslag van plantaardige kolloïede wat deur die Koumarivier neergelê is. Die kampterrein is op een van die hoefysterdraaie van die rivier ontwikkel. Hy het o.a.die vier verskillende geelhoutspesies en ook die geslag van die bome uitgewys. Die verskille in die drie karee-spesies is bespreek en daar is ook uitgewys hoe wit stinkhoutbome besig is om te verbaster a.g.v. kruisteling.

Verskeie ou boererate afkomstig van die bas en blare van inheemse bome is uitgelig en dit het gewissel van koorsbrekers, maagaandoenings en selfs 'n boom wat gebruik kan word as 'n opkikkermiddel. Vrugte van die wildeperske en karoppeule is geproe en verskillende blare is geruik. Die sessie was werklik 'n sintuigsafari tussen die bome. As jy die jong kinders sou vra wat hulle geleer het, sou hulle vir jou sê: ``die Koumarivier se water is silwerskoon, warm om in te speel en die modder maak jou pikswart.``

Voorsittersverslag 2011

Wed, 11 Jan 2012 06:37:00 GMT

Elke dag word babas gebore. Op die oog af lyk almal dieselfde, het almal dieselfde neigings en ruik selfs almal dieselfde. In die begin klein en onbeholpe, en dan die wonderwerk… almal is uniek. Tog gebeur dit dat nou en dan babas gebore word wat net anders is as die ander. Die afgelope twintig jaar was ek bevoorreg om verskeie van hulle te ontmoet. Mense wat nie net gebore is nie, maar ook geleef het, nie net vir hulself nie, maar ook vir ander en groot opofferings gemaak het vir dit waarin hulle glo en waarvoor hulle ‘n passie het. Ek verwys hoofsaaklik na ledebetrokkenheid by SJB wat twintig jaar gelede ook ‘n baba was en danksy hierdie spesiale mense gegroei het tot die vyfde grootste jagtersvereniging binne CHASA. ‘n Unieke vereniging met unieke, lojale, lede. Een groot familie. Altyd bly om mekaar te sien en altyd bereid om te help waar hulle kan. Twintig jaar gelede het ‘n klein beriggie in die plaaslike koerant my aandag getrek.

‘n Jagtersvereniging vir die Suid-Kaap word op Oudtshoorn gestig. Iets vreemds in ons geweste waar jag ongeorganiseerd plaasgevind het en dikwels gebruik is as vergoeding vir ‘n guns of om die goedgesindheid van iemand wat jy vorentoe mag nodig kry te behou met bewaring ver in die agtergrond. Gelukkig was daar twintig jaar gelede bekommerde, vêrsiende mense wat die behoefte gehad het om hierdie stigma wat aan jagters in die Suid-Kaap gekleef het om te swaai tot ‘n baie mooier prentjie deur die stigting van SJB. Vandag is die lede van hierdie aktiewe vereniging die hoof- rolspelers in natuurbewaring en die volhoubare benutting van die fauna en flora in ons streek.

Die afgelope twintig jaar is baie aandag gegee aan opleiding. Senior en junior jagopleiding. Skietdae, veld- en winterskole vir die jeug en vele jagverwante kursusse is aangebied om jagters op te lei en toe te rus om op verantwoordelike en etiese wyse die jagvelde te betree. Baie van ons ledegeld is ingeploeg in skietbane in al ons streke sodat lede op ‘n veilige plek hul skietvernuf kan verbeter en in stand kan hou. Dit het beslis vrugte afgewerp en ons kan vandag terugkyk na vele suksesse wat behaal is die afgelope twintig jaar. Onlangs nog het Jaco Brink proteakleure verwerf as beste jaggeweerskut in Suid-Afrika. Verlede Saterdag tydens die Pro-Amm groeperingskiet het Niel Basson die beste groepering van 9.08 geskiet, Rob Hemphill 10.1 en Gert Lerm het ‘n groepering van 12.21 mm geskiet. By die CHASA intervereniging jaggeweerskiet naby Bloemfontein het die SJB- junior span weer as wenners uit die stryd getree. Baie geluk aan André Barnard, Johan Kemp, Johan Snyman en Christo Carstens. SJB neem steeds leiding op die gebied van junior jag- en veld- opleiding in Suid-Afrika. Ons bekende en gewilde veldskool handleiding is op die laaste CHASA-vergadering goedgekeur vir gebruik deur jagtersverenigings en skole nasionaal. Ek bedank graag vir Alvin Hayes wat deur die jare ‘n leidende rol gespeel het op die gebied van junior opleiding en as medeskrywer van die kursus.

PRO AMM 2011

Mon, 14 Nov 2011 13:22:00 GMT

Op Saterdag, 29ste Oktober, het SJB in samewerking met PRO-AMM, ‘n geslaagde groepering-skietkompetisie aangebied op die Wouter De Vos Skietbaan. Die twee persone wat verantwoordelik was vir die dag se reëlings, was Arthur Lilford (SJB) en JC Muller van PMP.

Daar het 47 skuts aan die kompetisie deelgeneem en na 179 teikens is geskiet. Om te kwalifiseer vir die PMP Nasionale Kompetisie wat in Pretoria aangebied word, moet skuts ‘n groepering van kleiner as 18mm behaal. Die Nasionale kompetisie vind plaas op 27 Oktober 2012 op ‘n skietbaan in die Pretoria-omgewing. Om te kwalifiseer vir deelname aan die nasionale kompetisie, is ‘n groepering van minder as 18mm ‘n vereiste.

Baie geluk aan die volgende SJB lede wat kwalifiseer met hul beste tellings:

Niel Basson	9.08	.223
Rob Hemphill	10.1	.243
Gert Lerm	12.21	.308
Danie Brink	14.6	.308
Ross Lilford	15.03	.30.06
Carel Breytenbach	15.68	.308
Arthur Lillford	15.74	.308
Sieg Minnie	17.09	.243

SJB wens die manne sterkte toe met hulle voorbereiding vir die Nasionale kompetisie en ook ons opregte dank aan PMP wat bereid is om sulke kompetisies te borg en sodoende die skietsport bevorder.

Gert Lerm 3de plek

JC en Rob Hemphill

JC wens wenner Niel Basson geluk

Junior lid Rudi Lerm tydens die kompetiesie

Toustaan voor die kompetisie

PRO-AMM Skut

Tuinroete Agri Skietdag te Riversdale op 22 Oktober 2011

Wed, 15 Feb 2012 10:46:00 GMT

Suid - Kaapjagters -en Bewaringsvereniging (SJB) het weer eens ‘n geslaagde skietdag te Riversdale aangebied. Die dag was deur Tuinroete Agri geborg en SJB wil van die geleentheid gebruik maak om vir Chris Snyman te bedank, wat namens Tuinroete Agri die pryse geborg het. Die kompetiese het onder ideale weersomstandighede plaasgevind en 35 skuts het opgedaag om deel te neem.

Uitslae
Die wenners van die dag is as volg:

Senior afdeling
1. Johan Du Plooy; 2. Valie Enslin; 3. Carel Breytenbach.

Junior afdeling
1. Johan Kemp; 2. Sieg Minnie; 3. Ruan Gerber.

Die dag is afgesluit met ‘n braai by die klubhuis waar almal gesellig saam verkeer het en waar al die goeie skote bespreek is en die slegtes reeds vergete was. . SJB wil ook van die geleentheid gebruik maak om die “Blou Bul” slaghuis van Riversdale te bedank vir die wors wat hulle geborg het.


Johan Du Plooy 1ste Senior		Valie Enslin 2de Senior

Carel Breytenbach 3de prys senior		Sieg Minnie 2de , Wynand Fourie en Ruan Gerber 3de, Johan Kemp 1ste afwesig.

The AGRED Guide to Gamebird Management in South Africa - By Dr. Aldo Berruti

Mon, 24 Oct 2011 08:48:00 GMT

AGRED (The African Gamebird Research Education and Development Trust) has published a new book promoting gamebird management and utilisation in South Africa. Sponsored by Omnia fertilizer, the book, The AGRED Guide to Gamebird Management in South Africa by Aldo Berruti, will be available in English and Afrikaans from October 2011.

AGRED strives to develop ethical and sustainable gamebird shooting based on scientific research. This book, simply written and well-illustrated, describes practical species-specific measures to manage gamebirds. Amongst many issues, the book discusses crops, the impact poisoning and fire, depopulation of farmlands, climate change, role of predators, overshooting, gundogs and field trialling, management of bushveld farms and falconry.

A breakthrough is that this book is based on a farmer-friendly approach – the management advice is built on modern farming practises rather than asking farmers to undertake efforts expensive in time, energy and money or which are contrary to usual farm management. It encourages the landowner to become the expert, describing approaches which allow anyone to become local experts by understanding gamebird biology and using simple research techniques.

A major section describes how to run shoots and generate income from sustainable shooting or to simply add a new social dimension to farm life. Included are the strategies and tactics required to hunt each species of gamebird.

Slightly larger than A5 and 136 pages in length, the book features magnificent full-colour portraits of South African gamebirds. A novel feature is the use of 15 excellent cartoons by Doug Goode, driving home important points in light-hearted fashion. With its easily understood and readable text and format, numerous illustrations, and boxes highlighting important points, the book does not feel like a technical manual whilst still providing much expertise.

The content of this book has relatively little overlap with AGRED’s previous book - AGRED’s Gamebirds of South Africa Field identification and management published in 2005 which has successfully sold over 4400 copies and only a few Afrikaans copies are still available.

At an affordable retail of R195, the book makes a great gift for the wingshooter and the landowner who supports hunting. It will encourage the landowner to manage and conserve gamebirds and help ensure the sustainability of shooting.

To order - www.agred.com, 017-77801299 or agred@netdial.co.za

.22 Skiet op Riversdale

Thu, 29 Sep 2011 12:03:00 GMT

Op Saterdag 24 September 2011 was daar ‘n .22 skiet aangebied deur die Suid- Kaap-Jagters en Bewaringsvereniging op Riversdale. Pryse is deur die Riversdale-tak van Tuinroete Agri geborg. Heelwat skuts het vir die kompitiese opgedaag. Wat verblydend was, was dat daar so baie junior skuts opgedaag het. Die teikens wat gebruik word is dieselfde as dié vir jaggewere, maar net in miniatuur grootte. Afstande het gewissel vanaf 20- tot 75meter. Dit was ‘n mooi sonskyndag, behalwe vir die wind wat met tye gelol het. .22 Skiet is so gewild, omdat al die deelnemers se gewere standaard is, ammunisie redelik goedkoop en dieselfde is en almal dus op gelyke voet meeding.

Senior afdeling wenners:

Gert Lerm
Wilhelm Zietsman
Johan Du Plooy

Junior afdeling wenners:

Jan van Wyk
Louis Jordaan
Ruaan Gerber

SJB wil van die geleentheid gebruik maak om vir Tuinroete Agri te bedank vir die pryse wat hulle geborg het. Gelukkige trekkings is ook gehou en daardeur kon skuts wat nie so goed op die baan gevaar het nie, ook met ‘n prys huiswaarts keer. Nadat die pryse oorhandig is, is erfenisdag gevier met ‘n heerlike braai by die klubhuis; daardeur het SJB ook sy bydrae tot die tradisionele braaidag gemaak.

Junior Jagopleiding 2011

Thu, 25 Aug 2011 06:18:00 GMT

Die afgelope wintervakansie het weer gesorg vir groot opwinding toe 13 junior lede en opleidingsbeamptes opgeruk het Kalahari toe om die praktiese gedeelte van die voorgeskrewe CHASA jagopleidingskursus vir juniors, te voltooi. Drie jong opleidingsbeamptes, almal van kleins af deel van die span, het ons vergesel en is stelselmatig besig om die teuels by die ouer garde oor te neem. Die opleiding het plaasgevind op Heuningkrans, die pragtige wildplaas van Wikus Snyman in die Griekwastad-omgewing.
Daar aangekom, is dadelik begin om ‘n veldkamp op te rig en binne ‘n uur het daar ‘n tentedorp verrys, van veldkombuis tot veldstort en toilet met ‘n pragtige uitsig oor die Kalahari, selfs ‘n veldoond wat kon sorg vir die lekkerste potbrode. Tydens die kursus word daar veral gepoog om ook in die praktyk die juniors bloot te stel aan jaggebruike en tradisionele jagterskos, verkry uit wild wat geskiet is.

Elke oggend, net na sonop, is ‘n uur afgestaan aan spoorsny en waarneming, waartydens die juniors saam met hul mentor die vorige nag se beweging deur diere en insekte moes gaan ‘’lees’ om n‘profiel van die betrokke diere saam te stel. Ter vootbereiding tot die jag is deurlopend gekonsentreer op skootplasing, koeëltrajek, afstand skat, skietafronding met jaggewere, bekruiptegniek en die afvoer van die karkas. Daar is ‘n ‘’proefbok’’ geskiet waarop keel afsny, afslag en ontwei, die rol van mikro-organismes en die insout van die vel gedemonstreer is, selfs die vyfde kwart is uitgehaal en die aand opgedis as voorgereg.

Al die voorbereiding het uitgeloop op die hoogtepunt, nl. die jagdag. Elke junior het sy springbok geskiet en die namiddag het dertien perfekte bladskote gesorg vir groot vleiswerkery die volgende dag. Elke junior het sy bok self afgeslag en onder toesig van die mentors, is die karkasse stuk-stuk in volgorde uitmekaargehaal en bewerk. Die malery en stoppery het begin en teen sononder was al die wors netjies in pakkies, gereed om by die huis mee te gaan spog. Die kursus is afgesluit met mondelinge evaluasie, waarna die juniors met trots hul CHASA Junior jagbekwaamheidsertfikate ontvang het; die eerste groep in Suid-Afrika wat hierdie gesogte sertifikaat ontvang.

Dit was weer eens ‘n wonderlike ervaring om saam met die jong manne vir ‘n week lank in die veld te kon wees en om op sodanige wyse in jag te kan belê. En wat ‘n belegging is dit nie!! Met trots kan ons aankondig dat nog ‘n groep deeglik opgeleide jong jagters gereed is om ons jagvelde te betree. Weer eens het ons besef wat die waarde van junior jagopleiding vir die bedryf is. Hier word die leiers gekweek wat die voortbestaan van jag sal verseker . Die kursus moet met passie aangebied word sodat dit vir die juniors ‘n grootse ervaring is wat ‘n hoogtepunt in hul lewens sal bly. Al is die groepies wat opgelei word klein, waarborg hul stralende gesigte dat die druppels groot riviere sal word wat deur ons jagvelde sal vloei.


Willem by sy bok	Vleiswerk na die jag


Fluks by die malery	Beste skuts op die kursus v.l.n.r. Willem Oosthuizen, André Barnard


2011 Junior Jagopleiding groep

Skietdag te Buffeljags

Wed, 15 Feb 2012 10:48:00 GMT

Op Saterdag 13 Augustus 2011 is daar ‘n baie geslaagde skietdag aangebied deur die Suid-Kaapjagters- en Bewaringsvereniging. Die skietdag het plaasgevind op die plaas Sandkraal van Chris Coetzer. 35 skuts het opgedaag en moes oor verskillende afstande na verskillende tipes teikens skiet. Op een van die bane moes daar na 5 ghong’s (staalplate) geskiet word wat op afstande geplaas was wat gewissel het vanaf ongeveer 150m tot 350 meter. Die ghong’s is eindelik ‘n toeskouersport, want die medeskuts kyk toe wanneeer ‘n skut aanlê en baie ego’s word geknak deur hierdie staalplate wanneer ‘n teiken gemis word.

Dank aan ons borge: SSK, Landmark en African Outdoor Sports. Swellendam

Pryse is aan die 1ste drie senior skuts oorhandig, asook ‘n prys aan die junior wenner. Verskeie gelukkige trekkings is ook gemaak en byna al die deelnemers is met ‘n prys huis toe.

Die uitslae van die kompetisie is as volg:	Johan Du Plooy 1ste
	Nellis Swart 2 de
	Helgard Olivier 3 de

Die beste junior was:	Ruan Gerber

Die bestuur van SJB wil dan ook hulle dank uitspreek teenoor die borge wat die dag moontlik gemaak het. Dankie aan Gertjie Odendaal wat die Gazebo opgeslaan het en die pryse namens die borge oorhandig het. Laastens maar nie die minste nie, dankie aan Chris Coetzer wat sy plaas beskikbaar gestel het om die skiet aan te bied.

Nadat die verigtinge afgesluit was het almal afbeweeg rivier toe en gesellig om ‘n braaivleisvuur verkeer. Nabetragting is gedoen oor die gong’s wat gemis was. Die oorsake vir miskote is mos altyd een of ander onvoorsiene oorsaak, maar die skut …nooit te blameer nie.