Leesstof en Artikels

Nóg ‘n groot sukses! 65 Skuts het die gasvryheid van Martie & Kie en die organisasie van Danie en Armand, wat hul laaste skiet (of so dink hulle) van hul termyn op die bestuur aangebied het, geniet.

Die twee het ook vir hulself die “soft job” van .22 Posliga gekies en vir arme JJ en Roy met die PRESTIGE opgesaal. Gelukkig het JJ se militêre agtergrond gehelp en hy het hom goed van sy taak gekwyt. Ek het uitgewerk dat hy en Roy die dag elkeen 4,5 km afgelê het terwyl Danie en Armand net 1.6 km moes loop.

‘n Gesig wat nou algemeen op De Rust word, is Ray Rademeyer op sy “quad”. Die man hou stil, Renard laai die “quad” af en daarna is Ray “mobile” om te beweeg soos hy nodig het. Wys jou net, waar daar ‘n wil is, is daar ‘n weg. Ek het opgelet dat hy al weer ‘n nuwe “quad” het en op navraag was die antwoord: “Man ek het hom een Sondag oppad om die Rapport te gaan koop in sy m#%r gery… wys jou dis sonde om die Rapport te koop.”

Jaco Brink het ons gewys dat wat vir ons onmoontlik is, deur hom gedoen kan word. Hy het op die Prestige ‘n voltal
wat bekend is as ‘n “possible” in bisley taal, behaal! Arme Martél sukkel al so lank, maar ek het gehoor dat sy verduidelikings darem aanvaar is.

PRESTIGE
Voltal:
Jaco Brink      260
Goud:

Martél Jacobs        220
Renard Oelofsen    210

Silver:
Wilhelm Zietsman   195
Johan Snyman        200

Brons:
Ray Rademeyer (op sy “quad”)   180
Johan Smit     175
Gert Lerm       170
Johan Lerm     170
Henry vd Westhuizen  165
Hein Schoeman  170

.22 Posliga
Senior
1ste Gert Lerm     470
2de Jaco Brink    415
Junior

1ste Cassie Carstens     405
 2de Jaco Conradie    340
 3de Johan Snyman    215